Þakíbúð á frábæru verði við golfvöll

Kr 51.101.940340.000€

Ref: P085

Þakíbúð á frábæru verði við golfvöll - Perla Investments

3 Svefnherbergi
2 Baðherbergi
80,50 m² Fermetra stærð eignar
m² Stærð lóðar
Í sameign
Orku vottorð í vinnslu

Lýsing eignar:

Þessari glæsilegu 3 svefnherbergja, 2 baðherbergja og 80,50m2 þakíbúð, fylgir jafnframt rúmgóð verönd sem og glæsilegar 71m2 þaksvalir með frábæru útsýni. Hún er staðsett í einstöku hverfi, og í aflokaðri íbúðarþyrpingu þar sem hugað er að hverju smáatriði, með sameiginlegu sundlauga og garðsvæði. Í sama íbúðarkjarna eru í boði glæsilegar íbúðir með garði og íbúðir með svölum.

Eignin skilast fullbúin með húsgögnum og heimilistækjum!

Í einungis 4 mínútna fjarlægð er 18 holu golfvöllurinn Villamartín, þar sem njóta má óviðjafnanlegs útsýnis hvort sem er við að iðka golf íþróttina eða tylla sér á fallegan útsýnisbar og njóta þess að hlusta á fagur litaða páfagaukana kvaka allan ársins hring. Golfvöllurinn sem að hverfið er jú nefnt eftir er inni í miðri íbúðarbyggð þar sem fagurgrænar golfbrautir og mikilfenglegt skóglendi mynda einstakt umhverfi í göngufæri við nærliggjandi íbúðarkjarna og alla almenna þjónustu.

Stutt er jafnframt að rölta til verslunarmiðstöðvarinnar Villamartin Plaza þar sem er að finna mikið úrval veitingastaða og bara, auk matvöruverslunarinnar svo eitthvað sé nefnt, eða innan við 5 mínútur.

Fyrir náttúru unnendur er jafnframt vinsælt að labba eða hjóla eftir vatnssíkinu "el canal" sem liggur sem landamerki upp við íbúðabyggð Villamartín hverfisins, en þar er að finna mikið fuglalíf og hægt að fara í skemmtilegar göngu- eða hjólaferðir meðfram skurðinum til nærliggjandi bæja, án þess að fara út á götu og alltaf umlukin fallegri náttúru.

Auk þess er Zenia Boulevard verslunarmiðstöðin skammt frá, þar sem þín bíður mikið úrval verslana í yfir 80.000 m2 verslunarhúsnæði, að ógleymdri heilbrigðisþjónustu hins margrómaða Torrevieja spítala sem er í 15 mínútna ökufjarlægð að heiman. Og fyrir sólarunnendur þá ertu í einungis nokkurra mínútna ökufjarlægð frá kílómetra löngum breiðum af fínsendnum ströndum sem hafa fengið vottun Evrópusambandsins fyrir gæði sjávar og þjónustu í formi Bláa fánans.

Endilega hafðu samband til að fá meiri upplýsingar um þessa glæsilegu eign!