Falleg lúxus íbúð í einstakum íbúðakjarna

Lýsing eignar:

Falleg 2 svefnherbergja lúxusíbúð til sölu í Los Dolses með sérinngangi, ásamt geymslu og bílastæði í kjallara. Íbúðin er á fyrstu hæð, með 2 baðherbergjum og er samtals 63 fm. 

Stórar svalir í suður, samtals 50 fm og garður í austur, samtals 27 fm. Hér var ekkert til sparað og  eru allar innréttingar sérsmíðaðar með góðum hirslum og mikið er af tenglum og ljósum með dimmerum. Íbúðin er fallega innréttuð að utan sem að innan og munu stærri húsgögn fylgja með í kaupverði sem og eitt sjónvarpstæki í stofu. Eigninni fylgir aðgengi að glæsilegum stórum garði með 2 útisundlaugum sem og aðgangur að líkamsrækt og spa með upphitaðri innilaug og gufu.

Staðsetning eignarinnar er frábær og hægt er að ganga í matvörubúðir og á fjölda veitingastaða sem og í hina þekktu verslunarmiðstöð, La Zenia Boulevard. Stutt er á strönd og hægt að velja um nokkrar góðar strendur, t.a.m. La Zenia, Playa Flamenca og Cabo Roig. Margir golfvellir eru í nágrenni íbúðarinnar, s.s. Villamartin, Las Ramblas, Campoamor og Las Colinas.  

Afhending eignarinnar er samkvæmt samkomulagi en hið fyrsta 01. júlí 2023.

Endilega hafðu samband til að fá meiri upplýsingar um þessa glæsilegu eign!