Glæsilegt einbýlishús á einni hæð við hinn frábæra og vinsæla La Finca golfvöllinn
Húsið sem er 134,74m2 hefur að geyma glæsilega hjónasvítu með fataherbergi og sér baðherbergi auk tveggja annara svefnherbergja, gesta baðherbergi og þvottahús. Bjart og rúmgott alrými með eldhúsi, borðstofu og stofu þaðan sem gengið er út á stóra verönd í fallegum sér garði, en þar er einnig að finna sundlaug og bílastæði.
Í næsta nágrenni við hverfið finnurðu alla nauðsynlega þjónustu í bænum Algorfa, s.s. veitingastaði, súpermarkaði, almenningssamgöngur o.fl. En auk þess er Zenia Boulevard verslunarmiðstöðin skammt frá, þar sem þín bíður mikið úrval verslana í yfir 80.000 m2 verslunarhúsnæði, að ógleymdri heilbrigðisþjónustu hins margrómaða Torrevieja spítala sem er í 15 mínútna ökufjarlægð að heiman.
Hafirðu áhuga á að spila golf, þá ertu komin á rétta staðinn, hvort sem þú villt spila á heimavellinum þínum La Finca, eða reyna við aðra velli í nágrenninu, en 8 átján holu vellir eru í innan við 20 mínútna fjarlægð að heiman. Og fyrir sólarunnendur þá ertu í einungis nokkurra mínútna ökufjarlægð frá kílómetra löngum breiðum af fín sendnum ströndum sem hafa fengið vottun Evrópusambandsins fyrir gæði sjávar og þjónustu í formi Bláa fánans.
Endilega hafðu samband til að fá meiri upplýsingar um þessa glæsilegu eign.